پاکستان کے معروف اداکار شان کی مقبول ترین ترک ڈرامہ’’ارطغرل غازی‘‘ کو پی ٹی وی پر نشر کرنے پر تنقید،اداکار اور ’’ارطغرل غازی‘‘ کے مداحوں کے درمیان گرماگرمی کا سبب بن گئی۔
پاکستانی سپر اسٹار شان نے ترکی کے ’’گیم آف تھرون‘‘ کہلائے جانے والے مقبول ڈرامے ’’ارطغرل غازی‘‘کو پاکستان میں نشر کرنے پر پی ٹی وی پر تنقید کی،جس کے بعد ترک ڈرامے کے مداح بھی میدان میں آگئے اور اداکار شان کو آڑے ہاتھوں لے لیا۔
تفصیلات کے مطابق وزیراعظم عمران خا ن کی ہدایت پر ترک ڈرامے’’ارطغرل غازی‘‘
کو اردو میں ڈب کرکے یکم رمضان سے پاکستان کے سرکاری ٹیلی ویژن(پی ٹی وی)
سے نشر کیا جارہا ہے۔ اس ڈرامے نے اپنی پہلی ہی قسط سے نہ صرف مقبولیت کے
ریکارڈ توڑ دئیے ہیں بلکہ پاکستانیوں کا پسندیدہ ڈراما بن گیا ہے۔
یہ بھی پڑھیں: مشہور ترین ترک ڈرامہ ’’ارطغرل غازی‘‘ اب پی ٹی وی پر دیکھیں
اسی حوالے سے سینیٹر فیصل جاوید نے سماجی رابطوں کی ویب سائٹ ٹوئٹر پر
’’ارطغرل غازی‘‘ کایوٹیوب لنک شیئر کرتے ہوئے کہا تھا پی ٹی وی اور
ترکی چینل ٹی آر ٹی کے اشتراک سے یہ ڈراما یوٹیوب پر پیش کیا جارہا ہے۔
جس پر اداکارشان نے فیصل جاوید کی اس ٹوئٹ پر جوابی ٹوئٹ کرتے
ہوئے کہا تھا کہ ’’ہماری تاریخ اور ہمارے ہیروز کو تلاش کرنے کی کوشش کریں‘‘۔
Try to find our own history and it’s hero’s ..
— Shaan Shahid (@mshaanshahid) April 28, 2020
تاہم شان کی اس تنقید بھری ٹوئٹ پر کئی سوشل میڈیا صارفین ’’ارطغرل غازی‘‘ کی
حمایت میں میدان میں آئے اور شان پر تنقید کرتے ہوئے کہا کہ
ہماری تاریخ مغل سلطنت کی عیاشیوں سے بھری پڑی ہے جبکہ
جدوجہد آزادی اور پاکستان کی تخلیق پر کافی کچھ بن چکا ہے۔
ہماری نوجوان نسل کو اس وقت اسلام کے ہیروز کے بارے میں
جاننا لازمی ہے چاہے پھر وہ کسی بھی ملک سے تعلق رکھتے ہوں۔
ہماری ہسٹری… مغل سلطنت کی عیاشیوں سے بھری پڑی ہے… جبکہ جدوجہد آزادی اور پاکستان کی تخلیق پر کافی کچھ بن چکا ہے… ہماری نوجوان نسل کو اس وقت اسلام کے ہیروز کے بارے میں جاننا لازمی ہے چاہے پھر وہ کسی بھی ملک سے تعلق رکھتے ہوں
— Seeme Q Raja- Fidwan©™ (@SeemeGRaja74) April 28, 2020
اس کے بعد شان بھی کہاں چپ رہنے والے تھے انہوں نے
خود پر ہونے والی تنقید کا جواب دیتے ہوئے کہا بھائی بہت
اچھی بات ہے مگر ہم کب تک مانگے ہوئے لفظوں سے اپنی خودی
کی دیوار مضبوط کریں گے ۔ پی ٹی وی کو اس طرح کے ڈرامے
خود پروڈیوس کرنے چاہئیں، کہاں ہے فنڈنگ،
نوتماشا پھر بھی پیسا ہضم۔
Bohat achee baat hai … magar hum kab tak maangay howay lafzoon sai apni khudi ki dewaar mazboot karain gai… Ptv should produce epics like this … where is the funding … no tamasha phir bhi paisa hazam ♥️🇵🇰🇵🇰🇵🇰🇵🇰🇵🇰🇵🇰
— Shaan Shahid (@mshaanshahid) April 28, 2020
یہ بھی پڑھیں: ’’ارطغرل‘‘پر پابندی ۔شہریوں نے حکومت کامذاق اڑانا شروع کردیا
اداکار کے اس ٹوئٹ پر ایک اور صارف نے انہیں مشورہ دیتے ہوئے
کہا کہ اگر آپ کو لگتا ہے کہ پاکستان میں اس طرح کے پراجیکٹس
بن سکتے ہیں تو بنائیے نا کس نے روکاہے؟ بجائے تنقید کرنے کے
آپ کوئی اسپانسر ڈھونڈتے اور بنالیتے، کوئی نہیں روکتا آپ کو
مگر نہیں کسی نے نہیں سوچا ہوگا یہ۔
اگر آپ کو لگتا ہے کہ پاکستان میں اس طرح کے پراجیکٹس بن سکتے ہیں تو بنائیے نا کس نے روکا ہے ؟ بجائے تنقید کرنے کے آپ کوئی اسپانسر ڈھونڈتے اور بنا لیتے، کوئی نہیں روکتا آپکو مگر نہیں کسی نے نہیں سوچا ہوگا یہ ۔۔ https://t.co/hSs9OQ18tD
— ♦️Kaala Cheeta♦️ (@kaalacheeta) April 28, 2020
شان نے اس صارف کو جواب دیتے ہوئے کہا میرے خیال میں
تو بہت کچھ بن سکتا ہے مگر حقیقت میں اتنا بڑا پراجیکٹ حکومت کی
دلچسپی کے بغیر نہیں ہوسکتا۔ میرے خیال میں تو چاند پر پاکستانی پرچم
ہونا چاہئیے کیا راکٹ خود بنالوں؟
Meray khayaal main to bohat kuch bun sakta hai magar haqeeqat main itna bara project hakoomat kay interest kai baghyar nahee ho sakta . Meray Khail main to Chand per pakistani percham hona chahiye kya rocket khud bana loon ?
— Shaan Shahid (@mshaanshahid) April 28, 2020
واضح رہے کہ مقبول ترین ترک ڈرامہ ’’ارطغرل غازی‘‘
اس عظیم شخصیت کے بارے میں ہے جو سلطنت عثمانیہ کے
بانی عثمان اول کے والد تھے۔ ان کا نام ارطغرل تھا اور
انہيں ارطغرل غازی کے نام سے بھی جانا جاتا ہے۔
یہ ایک خانہ بدوش قبیلہ قائی کے سردار تھے اس ڈرامے کی
کہانی ترک مسلمانوں کی تیرہویں صدی میں کی جانے والی
فتوحات کے گرد گھومتی ہے۔
کراچی(شوبز ڈیسک)