Urdu News and Media Website

دھمکی ملنے کے بعدشاہ رخ خان کی سکیورٹی سخت

ممبئی(شوبز ڈیسک)کنگ خان کی سکیورٹی سخت کر دی گئی۔تفصیلات کے مطابق بالی ووڈ کنگ شاہ رخ خان کو بھارتی انتہا پسند ہندو جماعت کی جانب سے دھمکی ملنے کے بعدان سکیورٹی سخت کردی گئی۔شاہ رخ خان کوانتہا پسند ہندو جماعت کی جانب سے سیاہی پھینکنے کی دھمکی ملی تھی۔بھارتی میڈیا کے مطابق بھارتی ریاست اڑیسہ کے تاریخی خطے کلنگا میں 27 نومبر سے شروع ہونے والے ہاکی ورلڈ کپ کی افتتاحی تقریب منعقد ہونی ہے جس میں شاہ رخ خان کو بطور مہمان شرکت کے لیے مدعو کیا گیا ہے۔

یہ بھی پڑھیں:زیرو کے”میرے نام تو”کامداحوں کے دلوں پر راج

اسی دوران کلنگا سینا نامی ہندو انتہا پسند تنظیم کی جانب سے اداکار کی اڑیسہ آمد پر ان کے چہرے پر سیاہی پھینکنے کی دھمکیاں دی گئی ہیں۔ریاست اڑیسہ کی شدت پسند تنظیم کلنگا سینا نے شاہ رخ پر الزام عائد کیا ہے کہ 17 سال قبل ریلیز ہونے والی فلم ’اشوکا‘ میں شاہ رخ خان نے اڑیسہ کی نہ صرف تاریخ کو مسخ کیا بلکہ ریاست کی ثقافت اور یہاں کے لوگوں کی جانب سے لڑی جانے والی کلنگا جنگ کی غلط منظر کشی بھی کی۔انتہا پسند تنظیم کے سربراہ ہیمنت رت نے مطالبہ کرتے ہوئے کہا کہ شاہ رخ خان ریاست کے لوگوں کے جذبات مجروح کرنے پر معافی مانگیں ورنہ اڑیسہ آمد پر ان کے چہرے پر سیاہی پھینکی جائے گی۔شاہ رخ کو دھمکی ملنے کے بعد اڑیسہ کے کمشنر کا کہنا ہے کہ ہاکی ورلڈ کپ کے دوران شاہ رخ خان کی آمد کے موقع پر سیکیورٹی کے سخت انتظامات کیے جائیں گے۔

تبصرے