Urdu News and Media Website

"مومو”نے کولمبیا میں 2بچوں کی جان لے لی، پاکستان میں پابندی عائد

بگوٹا(مانیٹرنگ ڈیسک)جان لیوا خطرناک گیم بلیو وہیل کے بعد مومو گیم چیلنج نے بچوں کی زندگی سے کھیلنا شروع کر دیا، مومو گیم کا چیلنج پورا کرتے ہوئے کولمبیا میں2بچے اپنی زندگی کا چراغ گل کر بیٹھے،مومو گیم کوسوشل میڈیا اکائونٹس واٹس ایپ، یوٹیوب اور فیس بک پر لنک کے ذریعے شیئر کیا جاتا ہے، چیلنجز کو پورا کرنے کے لئے بچوں کو ڈرا دھمکا کر خود کشی پر مجبور کیا جاتا ہے،پاکستان میں اس گیم پر پابندی عائد کر دی گئی ہے۔ بین الاقوامی ذرائع ابلاغ کا کہنا ہے کہ کئی لوگوں کی جان لینے والے خطرناک گیم ‘بلیو وہیل’ کے بعد اب مومو گیم چیلنج نے بھی اپنے پنجے گاڑنے شروع کردیئے، جس کا نشانہ کولمبیا کے دو بچے بنے۔دی ٹیلیگراف کی ایک رپورٹ کے مطابق کولمبیا میں 48 گھنٹوں کے دوران ایک 16 سالہ لڑکے اور 12 سالہ بچی کی خود کشی کے واقعات سامنے آئے، جس کا تعلق مومو گیم سے ہے۔رپورٹ کے مطابق دونوں بچے ایک دوسرے کو جانتے تھے اور لڑکے نے ہی بچی کے ساتھ گیم شیئر کیا تھا۔مومو گیم دراصل سوشل میڈیا اکانٹس یعنی واٹس ایپ، یوٹیوب اور فیس بک پر لنک کے ذریعے شیئر کیا جاتا ہے۔ اس میں ایک خوفناک آرٹ تصویر کو استعمال کیا جاتا ہے، جسے مدر برڈ بائی لنک فیکٹری کہا جا رہا ہے تاکہ بچوں میں تجسس پیدا کردیا جائے۔اس کے لنکس سوشل میڈیا پر تیزی سے وائرل ہو رہے ہیں جو کہ جان لیوا ثابت ہو رہے ہیں۔ان لنکس میں کچھ مختلف چیلنجز ہیں جنہیں پورا نہ کرنے کی صورت میں دھمکایا جاتا ہے اور بچوں کو خود کشی کرنے پر مائل کردیا جاتا ہے۔واضح رہے کہ گزشتہ برس بلیو وہیل گیم وائرل ہوا تھا جو 50 چیلنجز پر مشتمل تھا، جس کا آخری چیلنج خودکشی تھا۔ اس چیلنج کے نتیجے میں متعدد نوجوان اپنی زندگی سے ہاتھ بھی دھو بیٹھے تھے۔تاہم ان دونوں گیمز پر وزارت برائے انفارمیشن ٹیکنالوجی(آئی ٹی)نے پاکستان میں پابندی عائد کر رکھی ہے۔

تبصرے