Urdu News and Media Website

عمران خان نے چودھری نثار کو تحریک انصاف میں شمولیت کی دعوت دیدی

اسلام آباد(مانیٹرنگ ڈیسک) عمران خان نے سابق وفاقی وزیر داخلہ چودھری نثار کو تحریک انصاف میں شمولیت کی دعوت دے دی،عمران خان کا کہنا ہے کہ چودھری نثار تحریک انصاف میں آجائیں تو اچھا ہے کیوں کہ سیاست میں بعض اوقات دل بڑا کرنا پڑتا ہے۔ صحافیوں سے غیر رسمی گفتگو کرتے ہوئے عمران خان کا کہنا تھا کہ نواز شریف اور آصف زرداری بیرون ملک اپنے اربوں ڈالر واپس لے آئیں تو اُن کی توبہ قبول ہے۔ بلاول سے اتحاد کا مطلب آصف زرداری سے اتحاد ہے جو کہ ناممکن ہے، اگر چوہدری نثار آزاد حیثیت سے الیکشن لڑیں تو ہوسکتا ہے تحریک انصاف اُن کی حمایت کرے۔ اسمبلیوں سے مستعفی ہونے کے حوالے سے عمران خان کا کہنا تھا کہ اسمبلیوں سے باہر نکلنے کا سوچ رہے تھے، اچھا ہوا ہم اسمبلیوں سے نہیں نکلے، ہم نے 6 سینیٹرز کے ناموں کو حتمی شکل دے دی ہے، مولانا سمیع الحق ہمارے اتحادی ہیں، اضافی ووٹ ہوئے تو انہیں دے سکتے ہیں لیکن اقتدار میں آکر سینیٹ کا الیکشن براہ راست کرائیں گے۔عمران خان نے کہا کہ لگ یہی رہا ہے کہ عام انتخابات وقت پر ہوں گے، نگران حکومت آتے ہی بہت سارے لوگ ن لیگ کو چھوڑ دیں گے پیپلز پارٹی اور (ن) لیگ چیئرمین سینیٹ کی نشست حاصل کرنے کے لیے پیسے لگا رہے ہیں جب کہ ایک شخص نے مجھے سینیٹ ٹکٹ کے لیے 40 کروڑ روپے کی آفر کی۔ سینیٹ الیکشن کے بعد آئندہ الیکشن کے لیے ٹکٹس جاری کریں گے۔عمران خان نے مزیدا کہ خواجہ آصف قومی سلامتی کے لیے خطرہ ہیں، میری ججز سے درخواست ہے کہ خواجہ آصف کا کیس روزانہ کی بنیاد پر سنیں جب کہ خواجہ آصف کا اپنا گھر ٹھیک کرنے کا بیان قومی سلامتی پر حملہ ہے۔

تبصرے