عمران خان کیلئے خانہ کعبہ کا دروازہ خصوصی طور پر کھول دیا گیا

23

ریاض(نیوز نامہ) دورہ سعودی عرب پر مکہ مکرمہ میں وزیراعظم عمران خان کے لیے خانہ کعبہ کا دروازہ خصوصی طور پر کھول دیا گیا ۔
تفصیلات کےمطابق مکہ مکرمہ میں وزیراعظم عمران خان کے لیے خانہ کعبہ کا دروازہ خصوصی طور پر کھول دیا گیا ، جہاں انہوں نے وفد کے ہمراہ نوافل ادا کئے۔عمران خان اور وفد نے رات گئے عمرہ بھی ادا کیا، عالم اسلام اور ملکی سلامتی کے لئے دعائیں کیں۔خانہ کعبہ کے کلید بردار اور حرم انتظامیہ کے اعلیٰ حکام نے عمران خان کا استقبال کیا۔ وزیراعظم اور وفد کی آب زم زم، قہوہ اور کھجور سے تواضع کی گئی۔
وزیراعظم عمران خان آج مکہ میں نماز جمعہ بھی ادا کریں گے جبکہ آج ہی روضہ رسول ﷺ پر حاضری کے لیے مدینہ منورہ جائیں گے۔
واضح رہے کہ وزیر اعظم عمران خان سعودی عرب کے دو روزہ دورے پر گئے ہوئے ہیں اور وہ آج اقوام متحدہ کی جنرل اسمبلی اجلاس میں شرکت کے لیے امریکا روانہ ہوں گے۔

جواب چھوڑیں

آپ کا ای میل ایڈریس شائع نہیں کیا جائے گا.