مرغے نے خاتون کاقتل کر ڈالا

19

پرتھ(ویب ڈیسک)مرغے نے ٹھونگیں مار مار کر خاتون کومارکر ڈالا۔
تفصیلات کے مطابق جنوبی آسٹریلیا میں ایک مشتعل مرغے نے 76 سالہ خاتون کی ٹانگوں میں اتنی ٹھونگیں ماریں کہ وہ لہولہان ہوگئیں اور بہت زیادہ خون بہنے کی وجہ سے موت کے منہ میں چلی گئیں۔
یہ عمر رسیدہ خاتون جنوبی آسٹریلیا کے ایک قصبے کی رہائشی تھیں اور انہوں نے اپنے ہی گھر کے وسیع آنگن میں مرغیاں پال رکھی تھیں۔ ایک صبح جب وہ مرغیوں کے انڈے جمع کرنے صحن میں پہنچیں تو ان ہی کے پالتو مرغے نے مشتعل ہو کر ان پر حملہ کردیا اور ٹھونگیں مار مار کر ان کی ٹانگیں زخمی کردیں۔ خاتون کی ٹانگوں سے اتنی تیزی کے ساتھ خون بہنے لگا کہ وہ بے ہوش ہوگئیں اور اسپتال پہنچنے سے پہلے ہی دم توڑ گئیں۔
بعد ازاں پوسٹ مارٹم سے معلوم ہوا کہ ان کی ٹانگوں کے نچلے حصے میں ایک خاص طبّی کیفیت کی وجہ سے رگیں آپس میں الجھ گئی تھیں جس کی وجہ سے جسم کے اس حصے میں خون کا دباؤ تو بہت زیادہ تھا لیکن بہاؤ معمول کے مقابلے میں خاصا کم تھا۔
اس حصے پر مرغے کی ٹھونگیں لگنے کی وجہ سے ان رگوں کے اوپری حصے میں شگاف پڑ گیا اور خون بہت تیزی سے بہنے لگا۔ اسی باعث ان کی جان بھی گئی۔

جواب چھوڑیں

آپ کا ای میل ایڈریس شائع نہیں کیا جائے گا.